Првата испорака на шест системи за против-воздушна одбрана треба да заврши до крајот на оваа недела.
Првата испорака на шест системи за противвоздушна одбрана Панцир Ц1 (Pantsir), која Србија ја нарача од Русија, треба да биде завршена до крајот на оваа недела.
Посетата на рускиот министер за одбрана Сергеј Шојгу на Белград го отвори патот за воена соработка, според белградскиот весник „Новости“, додавајќи дека договор за една батерија Панцир е склучен уште минатата година.
Шојгу разговараше за соработката во одбраната со српскиот министер за одбрана, Александар Вулин во официјална посета на Србија во понеделникот, пренесува Танјуг.
Министрите ја истакнаа нивната заложба за натамошно зајакнување на соработката меѓу двете земји во наредниот период.