Вицепремиерот Изет Меџити, на прашањето кој ќе ги замени кадрите на Алијанса за Албанците о Владата, рече дека сè уште не е разговарано, но потенцира дека сите ресори што ги имаше крилото на Арбен Таравари остануваат во рамките на ВЛЕН.
„Не сум слушнал дека ВМРО-ДПМНЕима такво барање, ниту јавно ниту на состаноци… шпекулациите се различни“, порачал Меџити.
Еден од лидерите на ВЛЕН информира дека прво мора да се потврди оставката на Таравар, а потоа ќе се направи анализа и ќе се распоредат најквалитетните кадри на коалицијата.
„Нема да навлегувам во конкретни имиња, но сигурно знам дека АА се појави како фракција на ДПА, првично предводена од Зијадин Села, а потоа и расколот што се случи со г-дин Таравари. Беше основана и континуирано дејствуваше против политиките на ДУИ. Честопати како членови плаќаа цена, остануваа достоинствено како опозиционери со години и не им е лесно да ја прифатат одлуката на Таравари. Мислам дека ова ќе биде последен раскол во Алијансата за Албанците“, рече Меџити.
Не одговори дали вицепремиерот за добро владење, Арбен Фетаи кој е од АА на Таравари ќе ја напушти функцијата и упати на одговор од него. Рече дека дополнително ќе известат дали Фетаи ќе биде разрешен ако сам не си даде оставка.