Поранешниот руски претседател. Дмитриј Медведев денеска изјави дека 185.000 регрути и се приклучиле на руската војска како професионални војници со договор од почетокот на годината, додека Москва се обидува да ги зајакне силите кои претрпеа големи загуби во Украина.
Минатата година Русија објави план за зајакнување на своите вооружени сили за повеќе од 30 отсто на 1,5 милиони персонал, амбициозна задача отежната од големите, но неоткриени воени загуби. Во руските градови беа поставени плакати кои ги повикуваат луѓето да се приклучат на официјалната армија, а рекламите на телевизија често ја испраќаат истата порака.
„Според податоците на Министерството за одбрана, од 1 јануари до 4 јули во редовите на вооружените сили биле примени повеќе од 185.000 лица, од кои околу 109.000 се во резервите, како и други категории на граѓани повикани во служба по договор“, рече Медведев.
Медвед во видео на Телеграм рече дека речиси 10.000 регрути се приклучиле минатата недела по краткото востание на платеничката група „Вагнер“, на чии борци им било понудено да се пријават како војници во официјалната руска армија.
„Посебно сакам да забележам дека обидот за вооружен бунт не го промени односот на граѓаните кон договорната служба во зоната на специјалната воена операција“, рече Медведев, мислејќи на конфликтот во Украина.
Рускиот претседател Владимир Путин нареди „делумна мобилизација“ на 300.000 резервисти во септември, што поттикна стотици илјади други да ја напуштат Русија за да избегнат да бидат испратени на бојното поле. Путин тогаш рече дека нема потреба од дополнителна мобилизација.
Медведев, назначен претходно оваа година да го надгледува домашното воено производство на Русија, рече дека фабриките работат деноноќно за снабдување на руските сили во Украина. Тој во вторникот предложи запленетиот имот на криминалците, вклучувајќи глисери и автомобили, да се предаде на војската.
Тој рече дека обвинителите, службата за безбедност на ФСБ и другите агенции треба да соработуваат со Министерството за одбрана „да преземат мерки за да им се пренесе таквата опрема на нашите војници што е можно поскоро“.