Заменик-претседателот на Советот за безбедност на Русија, Дмитриј Медведев, иронично реагираше на указот на украинскиот претседател Володимир Зеленски за териториите на Русија кои биле „историски населени со Украинци“, оценувајќи дека украинскиот претседател, доколку не биде запрен, „наскоро ќе ја присвои и Канада“.
„Нема што да се коментира, бидејќи Украинците се Руси, а Малорусија е дел од Русија. Време е главниот ‘Украинец’ да се врзе бидејќи наскоро ќе ја присвои и Канада“, изјави Медведев.
На указот реагираше и шефот на Комитетот за меѓународни прашања на Државната дума на Русија, Леонид Слуцки, кој смета дека документот има за цел да наметне историска лага и да ги занеме новите генерации.
„Указот на Зеленски е нова ПР кампања на нацистичкиот режим во светло на намаленото внимание на западните спонзори. Сите пасуси за ‘политичка репресија и депортација на Украинците’ се монструозни лаги во духот на Гебелсовата пропаганда. Указот е директно насочен кон наметнување на историска лага, фалсификување на историјата и заглупување на новите генерации“, рече Слуцки.
Зеленски потпиша декрет за териториите на Русија историски населени со Украинци, кои, како што се наведува, се „во границите на современиот Краснодарски крај, Белгород, Брјанск, Воронеж, Курск и Ростовската област“.
Тој, исто така, ѝ нареди на владата на Украина да работи со меѓународни експерти и да достави до Советот за национална безбедност на Украина на разгледување акционен план за „зачувување на националниот идентитет на Украинците во Руската Федерација, вклучувајќи ги и териториите што тие историски ги населуваат“, како и да се овозможи подготовка и ширење на материјали за историјата на украинската држава стара повеќе од илјада години.