Меган Маркл повторно се најде во центарот на контроверзии, овој пат поради обвинувањата за копирање на интелектуална сопственост. Војвотката од Сасекс неодамна беше обвинета за присвојување на името на мал бизнис за нејзиниот бренд за животен стил, а сега се соочува со нови обвинувања.
Според последните информации, Меган е обвинета дека ги копирала идеите на британската авторка за нејзината книга и шоу на Нетфликс.
„Pearl“, објавен од војвотката во јули 2021 година, беше анимирана серија за мало девојче „кое учи како да ја искористи својата моќ и наоѓа инспирација кај влијателните жени низ историјата“.
Тоа беше клучен наслов во договорот од 100 милиони долари, склучен меѓу војводата и војвотката од Сасекс и стриминг гигантот во 2020 година. Меган беше наведена како извршен продуцент заедно со сопругот на Сер Елтон Џон, Дејвид Фурниш, но шоуто беше прекинато помалку од една година подоцна, при што Меган брзо ги отстрани сите референци за неа од веб-страницата на нејзината продукциска компанија Арчевел.
Сега детската авторка Мел Елиот (51) од Хестингс, откри дека испратила правно писмо во кое сугерира потенцијално прекршување на авторските права во врска со нејзината сопствена креација – малото британско девојче по име Перл Пауер.
„Меган е феминистка која се залага за други жени, па бев разочарана и збунета кога видов колку е слично предложеното шоу на Нетфликс „Pearl“ со мојата Перл Пауер која беше создадена седум години порано“, рекла таа во интервју за британскиот Дејли Меил.
„Се разбира, не можам да знам дали некој од нејзиниот тим го видел и бил инспириран, но сличностите беа премногу големи за да се игнорираат“.
„Светот на уметноста и медиумите е многу конкурентен и се плашам дека е сосема вообичаено моќните луѓе да ја копираат работата на помалку познати креативци – иако не велам дека тоа се случи овде“, рекла таа.
До моментот кога беше објавено новото шоу на Меган, Мел веќе напишала три книги за Перл објавени во 2014, 2015 и 2016 година.
Оваа ситуација потсетува на неодамнешниот инцидент кога го смени името на брендот од „American Riviera Orchard“ во „As Ever“, што предизвика бурни реакции бидејќи името веќе припаѓа на мал бренд за облека со седиште во Њујорк.
Марк Колски, основачот на брендот „As Ever NYC“, реагираше јавно на социјалните мрежи за да ја разјасни ситуацијата и нагласи дека неговата компанија „не е поврзана“ со Меган Маркл. „2025 година е и ние сме благодарни што сè уште сме тука и правиме облека во Њујорк и Њу Џерси“, рече Колски, додавајќи дека нема да го менува името на својата компанија и покрај притисокот.
Ова не е првпат Меган Маркл да се соочи со критики од јавноста. Таа, исто така, неодамна беше обвинета за лажирање активности со нејзините деца, откако објави видеа на Инстаграм на кои наводно им прави појадок за принцот Арчи (5) и принцезата Лилибет (3). Внимателните следбеници забележаа недоследности во нејзината објава, што предизвика бран критики.
„Опсесивната потреба на Меган Маркл да лаже за сè е едноставно запрепастувачка – дури и за нешто толку тривијално како вафла“, напишал еден корисник на социјалните мрежи, додека друг додал: „Меган Маркл е измамничка што шета“.