Меѓу загинатите во несреќата, 20 лица се од општина Студеничани

Градоначалникот на општина Студеничани, Азем Садику информираше дека меѓу загинатите во трагичната автобуска несреќа во Бугарија, има и 20 жители од оваа општина.

-Околу 20 лица од загинатите се од наши населени места. Цело едно семејство, мајка со 4 деца се починати. Мајка со две деца со потекло од село Морани кои живеат во Скопје исто така се загинати. Имаме и колега матичар од служата од за матична евиденција, кој исто така загина со неговата сопруга. Меѓу жртвите има и учителка со своето малолетно дете, изјави Садику на прес-конференција.

Тој исто така информира дека четворица од преживеаните се исто така од општината Студеничани.

-Ова е голема загуба , за сите нас, за цела држава, рече Садику.