Неколку стотици луѓе демонстрираа во неделата во Мексико Сити, за да изразат поддршка за правата на хомосексуалците. Тоа се случува на другиот ден по поворките, кои поминаа низ различни локации низ целата земја против легализирањето на хомосексуалните бракови, побарано од претседателот Енрике Пенја Нието. 
Тие протестираа против претседателскиот проект за уставни реформи, со кој ќе се легализирани хомосексуалните бракови на национално ниво.
Мексико Сити е првиот град во Латинска Америка, кој ги дозволи во 2007 година, истополовите граѓански сојузи, пред да ги легализира истополовите бракови во 2009 година. Но, само неколку од мексиканските држави ги легализираат.
Врховниот суд во Мексико, највисокиот суд во оваа високо католичка земја, издаде во јуни 2015 година одлука за прогласување за неуставно на секое решение кое ги забранува истополовите бракови во одделните држави.