Мелони го посети поплавениот север на Италија, вети помош

Италијанската премиерка Џорџа Мелони денеска вети дека ќе им помогне на поплавените подрачја на северот на земјата, откако се врати од самитот на Г7 во Јапонија и изврши увид на терен за големината на штетите, пренесе „Ројтерс“.

Мелони го посети регионот Емилија Ромања, каде во неодамнешните поплави загинаа 14 лица, а причинета е штета од неколку милијарди евра.

„Тоа беше трагедија, но секогаш можеме да излеземе посилни од криза. Ќе ги најдеме потребните средства“, рече Мелони.