Бесeн беше Кристијано Роналдо на менаџерот на Манчестер Јунајтед, Ралф Рангник, кој го извади од теренот против Брентфорд во 71. минута, а тоа јасно го покажа во моментот кога му го отстапи местото на Хари Мегваер.
Португалецот му дофрли на Рангник и го праша зошто го извлекол, а Германецот по мечот објасни дека тоа е тактичка одлука.
– Морав да одлучам што е најдобро за тимот. Претходно бевме против Астон Вила 2:0 и примивме два гола, не сакав да се повтори истата грешка. Ги разбирам неговите амбиции, но можеби еден ден, кога ќе биде менаџер, ќе го стори истото во 75. минута – изјави Рангник и додаде:
Cristiano Ronaldo was absolute fuming when he was substituted by Ralf Rangnick at Brentford last night…😡 pic.twitter.com/6dzqgum1uR
— Sky Sports News (@SkySportsNews) January 20, 2022
– Роналдо се повреди, не играше недела и пол. Имавме играчи како Рашфорд или Марсијал на клупата, па зошто да не ги искористиме? Повторно би ја донел истата одлука. Најважно е да победиме.
Јунајтед поведе со 2:0 во моментот на излегувањето на Роналдо, а потоа Маркус Рашфорд погоди за 3:0, а домаќинот во финишот стигна до почесниот гол и конечни 1:3.