Германската канцеларка Ангела Меркел денеска кратко се обрати пред нацијата. Тоа траеше вкупно 180 секунди, а со изјавата „влегуваме во нова фаза на пандемијата“, Меркел рече дека е многу важно да се истакне овој факт и дека сега, заради ублажување на рестриктивните мерки, потребно е да се придржуваат кон основните правила на заштита од пренесување на коронавирусот.
Таа истакна дека граѓаните мора да ги почитуваат мерките за физичко растојание и да носат заштита на уста и нос, како и да покажат почит едни кон други.
-Многу е важно за мене да го истакнам повторно фактот дека влегуваме во нова фаза на пандемијата и дека сега ќе биде неопходно да бидеме сигурни дека покрај релаксацијата на мерките, луѓето ќе ги почитуваат и основните правила, а тоа се: одржување на растојание, носење заштита на уста и нос за другите луѓе Тоа е многу важно. Ви благодарам многу – истакна Меркел.
Меркел изрази благодарност до сите здравствени институции.