Меркел застана на страната на Макрон во конфликтот со Ердоган

од Stefanija Kuzmanovska

Денес германската канцеларка Ангела Меркел ги осуди навредливите изјави на турскиот претседател Реџеп Таип Ердоган кон Емануел Макрон поради наводната „кампања на омраза“ од страна на Французинот кон муслиманите.

„Ова се клеветнички изјави кои се апсолутно неприфатливи“, особено по „грозоморното убиство на францускиот професор Самуел Пати од исламски фанатик“, изјави портпаролот на Ангела Меркел, Стивен Зајберт.

Вчера Ердоган повторно изрази сомнеж во однос на менталното здравје на претседателот на Франција заради неговиот однос кон муслиманите, ден откако Париз „го повлече амбасадорот на консултации“ поради неговата идентична изјава.

Спорот меѓу Франција и Турција, како и голем број исламски земји, се засили поради ставот на францускиот претседател да се залага за правото на објавување карикатури на пророкот Мухамед во име на слободата на изразување, што муслиманите го сметаат за најдлабока навреда

Турција денес го осуди „монструозното убиство“ на професорот Самуел Пати во Франција.

„Силно го осудуваме монструозното убиство на Самуел Пати и го отфрламе оваа варварство. Ова убиство не може да биде оправдано на кој било начин“, изјави портпаролот на турското претседателство, Ибрахим Калин на Твитер.

На 16 октомври, џихадист го обезглави наставникот по историја и географија Самуел Пати затоа што им покажа карикатури на пророкот Мухамед на студентите на часот за слобода на изразување.

 

loading...

Слични содржини