Шефот на Мерцедес, Тото Волф, повтори дека е премногу рано за тимот да се откаже од проблематичниот W13, поради подобрувањата во перформансите на болидот и третото и четвртото место на Луис Хамилтон и Џорџ Расел на Гран При на Канада.
„Мислам дека можеме да почнеме да размислуваме за W14 само кога ќе знаеме што точно треба да се промени во W13“, рече Волф. „Факт е дека развојот и перформансите на болидот не се одлични. Но, ние мора да продолжиме да работиме, трка по трка на тоа. За жал, немаме доволно време да поправиме сè на W13“.
Тото додаде дека според него, W13 ќе биде „болидот за оваа сезона“ на тимот и повторно ги објасни различните проблеми што го мачат W13.
„На автомобилот му недостасува брзина, а овој проблем не е поврзан со скокањето“, додаде шефот на Мерцедес. „А вистината е дека со овој болид нема да ја освоиме светската титула. Затоа нашата реална цел ќе биде да се бориме за третото место во поредокот и во исто време да разбереме што треба да се направи со болидот“.