ПСЖ го посакува Лео Меси, а „TNT sports Brazil“ тврди дека францускиот клуб доставил понуда на аргентинскиот ас.
Според таа телевизија, понудата е најдобрата што Меси може да ја добие, така што Барселона не може да му гарантира подобри услови.
Договорот би бил на две години, со опција за трета …
Наводно му бил претставен спортски концепт, односно планови за во иднина, амбиции клубот да се искачи на врвот на европскиот фудбал.
Договорот на Меси со Барселона истекува на 30 јуни.
Медиумите неодамна објавија дека преговорите за продолжување се започнати, но дека сè е отворено.
ПСЖ и Манчестер Сити се главните кандидати за трансферот на векот.
Меси во август минатата година јавно објави дека сака да си оди, но подоцна се предомисли, бидејќи постоеше можност за тужба од Барса, која тврдеше дека треба да плати откупна клаузула од 700 милиони евра.