За време на аукција, одржана во петокот на саемот Retromobile во Париз, беше продадено Ferrari 335 S Spider Scaglietti од 1957-та за 32 милиони евра и го собори рекордот за највисока цена за автомобил понуден на аукција.
Купувачот, кој победи на тајното наддавање, сеуште е анонимен, но лично сопственикот на Proto Enterprises Алесандро Прото изјавил дека станува збор за Лионел Меси.
Легендарниот автомобил, со кој Стирлинг Мос учествува во Cuban Grand Prix, бил сон и на Кристијано Роналдо, тврдат анонимни извори.
Ferrari 335 S е третата уникатна суперкола во колекцијата на Меси. Пред тоа Аргентинецот купи Maserati GT Stradale и Audi R8 Spyder. Нивната вкупна цена, сепак е само 517 000 евра.
На Ferrari 335 Scaglietti S од 1957 година, дел од колекцијата на Пјер Бардинон, беше достигната крајна цена од 32 075 200 евра. Од овој модел се произведени само 4 примероци меѓу 1957 година и 1958 година Автомобилот е опремен со V12 мотор со работна зафатнина 4023 кубни см, со моќност од 390 КС и максимална брзина од 300 км / ч.
Оваа астрономска сума постави светски рекорд за автомобил продаден некогаш на аукција за цена во евра. Всушност Ferrari 250 GTO од 1962 г, продаден од куќата Bonhams во август 2014-та, постигна цена од 38,1 милиони долари, која во овој момент претставува 28,5 милиони евра според сегашниот курс, додека сегашното Ферари 335 S го собори рекордот во евра иако оваа сума е еднаква “само” на 35,7 милиони долари.