Лионел Меси ја коментираше класата на Реал Мадрид и Манчестер Сити, нарекувајќи ги „најдобрите тимови во светот“.
Мадрид стана европски клупски шампион по 15-ти пат во својата историја по успехот против Борусија Дортмунд во финалето, освојувајќи ја и титулата во Примера дивизион.
Сити четврта сезона по ред триумфираше на врвот во Премиер лигата.
„Најдобар тим е Реал Мадрид затоа што е актуелен шампион во Лигата на шампионите. Претходните години беа и најдобри во светот, исто како Манчестер Сити кој го освои турнирот во 2023 година. Ако зборуваме резултатски, тоа е Реал Мадрид. Кога сме веќе кај играта, мене лично многу ми се допаѓа Манчестер Сити на Пеп Гвардиола. Секој тим чиј тренер е Гвардиола е секогаш многу посебен. Сето тоа се должи на начинот на работа и тренинзите, како и на самиот стил на игра, кој го исповеда Гвардиола. Во однос на нивото на фудбалот, најдобар тим во моментов е Манчестер Сити, а резултатски Реал Мадрид“, изјави напаѓачот на Интер Мајами, цитиран од Infobae.