Меси ги повика соиграчите да бидат внимателни: „Го знаеме потенцијалот на Нејмар“

Најдобриот аргентински фудбалер Лионел Меси ги предупреди соиграчите од репрезентацијата за опасноста која им се заканува од Нејмар, пред финалето на Копа Америка.

– Бразил, со Нејмар, тоа ќе биде многу тешко – рече Меси по триумфот на Аргентина над Колумбија во полуфиналето на јужноамериканскиот шампионат.

Меси и Нејмар играа порано во Барселона, а Бразилецот го покани Лео да му се придружи во Пари Сен Жермен на крајот на минатата сезона.

– Го знаеме неговиот потенцијал и што е тој способен да направи – изјави Меси.

Аргентина ја победи Колумбија на пенали и ќе игра против Бразил во финалето, на стадионот „Маракана“ во Рио де Жанеиро.

Бразил (9 титули) го брани трофејот, а Аргентина (14) го чека пехарот од 1993 година. Рекордер е Уругвај (15).