Претседателот на Аргентина, Хавиер Милеи, го отпушти заменик министерот за спорт, Хулио Гаро, кој рече дека Лионел Меси треба да се извини за расистичките навреди од страна на репрезентацијата на земјата кон француските фудбалери, објави прес-службата на шефот на државата на социјалните мрежи.
„Претседателот вели дека ниту една влада не може да и каже на Аргентина, светски шампион и двократен победник на Копа Америка, што да каже, што да мисли или што да прави, исто како и секој друг граѓанин. Поради оваа причина, Хулио Гаро повеќе не е заменик министер за спорт“, се вели во соопштението.
Претходно во интервју за радиото „УрбанаПлеј“, Гаро рече дека смета дека „капитенот на репрезентацијата треба да се извини во овој случај, како и претседателот на аргентинската фудбалска асоцијација“.
По финалето на Копа Америка, во кое Аргентина ја победи Колумбија со 1-0 по продолженијата, шампионите на социјалните мрежи споделија видео во кое се пушта навредлива песна против фудбалерите на Франција.