Звучи малку неверојатно, но Лионел Меси веќе ја заврши сезоната во ноември.
Имено, Атланта Јунајтед го направи најголемиот подвиг во историјата на плејофот на МЛС купот. Во третиот натпревар го победија Интер од Мајами со 3:2 и со тоа го елиминираа апсолутниот фаворит.
Друштвото на Лионел Меси имаше 34 бодови повеќе од Атланта на табелата. Покрај ѕвездата и поранешен играч на Барселона и ПСЖ, во своите редови ги има уште Луис Суарез и Серхио Бускетс… Мајами имаше предност од 1:0 против деветтиот тим на Истокот во серијата која се играше до две победи. Но, Атланта направи голем пресврт.
Во третиот натпревар Матиас Рохас го доведе Мајами во водство во 17. минута, а потоа гостинскиот тим за само две минути направи пресврт.
Џамал Тијаре ја погоди мрежата во 19. и 21. Меси погоди со глава во 65. минута за израмнување на резултатот (2:2), но девет минути подоцна истиот беше анулиран од Бартос Слиш, кој и донесе победа на Атланта.