Фудбалерите на ПСЖ го победија Лион на домашен терен во шестото коло од францускиот шампионат по драматичната завршница со резултат 2:1.
По првото полувреме без голови, Лион го шокираше домаќинот кога Пакета постигна гол во 54. минута за предност на својот тим.
Сепак, само 12 минути подоцна, Нејмар донесе израмнување и навести возбудлив крај.
Маурисио Покетино одлучи да го извади од игра Лео Меси во 76. минута, кој повторно одигра лош натпревар, и го испрати Ашраф Хакими на теренот.
На Аргентинецот не му се допадна тој потег, па помина покрај Покетино видно незадоволен и не сакаше да му подаде рака.
До крајот на натпреварот, домаќинот успеа да избегне нов неуспех, по ремито во Лигата на шампионите, и да го задржи максималниот учинок во домашното првенство, преку голот на Икарди.
https://twitter.com/CheWisam/status/1439687055664205829?ref_src=twsrc%5Etfw%7Ctwcamp%5Etweetembed%7Ctwterm%5E1439687055664205829%7Ctwgr%5E%7Ctwcon%5Es1_&ref_url=https%3A%2F%2Fmondo.rs%2FSport%2FFudbal%2Fa1532663%2FTrener-izveo-Mesija-iz-igre.html
Фото: PROFIMEDIA