Лионел Меси и Кристијано Роналдо ќе го продолжат долгогодишното ривалство со пресметка во 1/8-финалето од Лигата на шампионите, откако ждрепката за првата фаза од елиминациите им наложи на Пари Сен Жермен и Манчестер Јунајтед да спорат меѓу себе.
🇫🇷 Paris vs Manchester United 🏴#UCLdraw | #UCL pic.twitter.com/NNB5asBa7s
— UEFA Champions League (@ChampionsLeague) December 13, 2021
Уште еден дуел кој привлекува внимание е оној меѓу Атлетико Мадрид и Баерн (Минхен), кој беше еден од трите екипи кои групната фаза ја завршија со 100% учинок.
Освојувачот на трофејот Челзи се среќава со францускиот шампион Лил.
Ливерпул, кој стана првиот англиски тим со шест победи во групите, имаше среќа во ждрепката откако падна со РБ Салцбург.
Лидерот во Серија А, Интер, за место во четвртфиналето ќе се бори со третиот тим со 100% учинок – Ајакс.
Реал Мадрид, Манчестер Сити и Јувентус се фаворити за пласман во следната фаза. Во осминафиналето се среќаваат со Бенфика, Виљареал, односно Спортинг.
Who are the team to avoid? 🤔#UCLdraw | #UCL pic.twitter.com/6BidzMHf3T
— UEFA Champions League (@ChampionsLeague) December 13, 2021
Термините за првите натпревари се 15/16/22/23 февруари, а за реваншите – 15/08/15/16 март.
Важно е да се напомене дека правилото за дополнителна тежина на головите на туѓ терен веќе е отфрлено, а во случај на нерешен резултат во вкупниот резултат на двата меча ќе се игра продолженија.
Ждрепката за четвртфиналето и полуфиналето ќе биде извлечена на 18 март.
Финалето на турнирот ќе се одржи на 28 мај во „Газпром Арената“ во Санкт Петербург.
Ждрепката за 1/8-финалето:
Бенфика – Реал Мадрид
Виљареал – Манчестер Сити
Атлетико Мадрид – Баерн Минхен
РБ Салцбург – Ливерпул
Интер – Ајакс
Спортинг Лисабон – Јувентус
Челси – Лил
ПСЖ – Манчестер Јунајтед