Напаѓачот на Интер Мајами, Лионел Меси изјави дека не е сигурен за неговото учество на пријателскиот натпревар против јапонскиот Висел Кобе, но сега се чувствува подобро. Средбата ќе се одржи на 7 февруари. Интер Мајами го победи Хонг Конг со 4-1 во неделата, а Меси беше на клупата за резерви цел натпревар поради истегнување на тетивата.
„Не знам дали ќе можам да играм. Но, се чувствувам многу подобро и се надевам дека ќе можам да излезам на теренот. Ќе тренираме попладнево и ќе се обидам“, рече Меси, цитиран од RMC Sport.
Аргентинецот откри дека на првиот меч во Саудиска Арабија почувствувал проблеми со адукторот. Потоа му била дадена магнетна резонанца која не покажала ништо, но сепак чувствувал непријатност.
Еден од навивачите по пријателскиот натпревар помеѓу Интер Мајами и Хонг Конг Чемпионшип Старс Тим (4:1), емотивно реагираше на тоа што напаѓачот Лионел Меси не учествувал на натпреварот и фрлил транспарент со аргентинскиот фудбалер на стадионот во Хонг Конг.