Со четири гола за 12 минути, играчите на Барселона во саботата вечерта го победија Атлетик Билбао во финалето на Кралскиот куп (4:0) и со тоа стигнаа до првиот трофеј во сезоната!
И, два од тие четири гола ги постигна Аргентинецот Лионел Меси, кој по оној во 68 минута за водство од 3:0, влезе во историјата на ова натпреварување како прв играч што ја затресол мрежата во седум различни финалиња во последните 119 години.
Меси реализираше вистинска мала магија во таа 68-ма минута, а при соло-пробивот, Френки де Јонг, кој исто така беше еден од хероите, му помогна на асистенција.
Холанѓанецот најпрво му асистираше на Гризман за водство во 60. минута, а потоа три минути подоцна го удвои водството. Конечниот резултат го постави Меси во 72-та минута.
Барса сега има 31 освоен трофеј во Купот, додека Билбао останува на 23. Интересно, тимот од Баскија загуби уште едно финале во Купот пред две недели – одложеното од 2020 година против Сосиедад.