На денешната прес-конференција слушнавме енциклопедиски информации, без ниту еден конкретен доказ, ниту нешто кое што МВР и Обвинителстовто требало да го преземат. Тежок ден, мое најголемо сочувство, рече денеска претседателот на ВМРО-ДПМНЕ, Христијан Мицкоски за објавените детали од страна на првите луѓе на полицијата и Скопското јавно обвинителство.
Лидерот на најголемата политичка партија одговараше на новинарски прашања пред почетокот на денешната лидерска средба во Собранието.
Тој говореше и за политичките состојби, наведувајќи дека нема да има уставни измени и дека за неколку месеци од денеска, многумина политичари ќе бидат минато на политичката сцена.
Мицкоски кажа дека денеска на средбата нема да се зборува за техничката влада или уставните измени.