Премиерот Христијан Мицкоски денеска во Будимпешта ќе присуствува на СРАС конференција (The Conservative Political Action Conference) која се смета за најголем и највлијателен собир на конзервативните партии во светот. Според агендата, како што соопшти владината прес-служба, Мицкоски ќе се обрати на сесија закажана во 15:30 часот.
На конференцијата меѓу другите гости се и словачкиот премиер Роберт Фицо, грузискиот премиер Иракли Кобахидѕе, Андреј Бабиш од Чешка, Јержи Квашњевски и Матеуш Моравиецки од Полска, Херберт Кикл од Австрија, Алис Вајдел од Германија, Хорхе Буксаде од Шпанија, како и американските десничарски ѕвезди Бен Шапиро, Џек Пособиец и Дејвид Рубин.
Во рамки на посетата на Унгарија, премиерот Мицкоски ќе оствари средба и со унгарскиот премиер Виктор Орбан.
На почетокот на март, премиерот и и министерите од Владата беа присутни во Будимпешта на заедничката владина седница со владата на Унгарија.