Денеска претседателот на ВМРО-ДПМНЕ, Христијан Мицкоски и членот на Извршниот комитет на партијата, Игор Јанушев оствариле средба со амбасадорот и шеф на Мисијата на ОБСЕ, Килиан Вал. На средбата се разговарало за спроведувањето и резултатите на последните претседателски и парламентарни избори во Македонија, како и за понатамошните чекори за идната влада предводена од ВМРО-ДПМНЕ.
-Мицкоски се заблагодари на преставниците на Мисијата на ОБСЕ за активното вклучување и следење на изборните процеси, како на 24 април, така и на 08 мај.
Од страна на претседателот Мицкоски беше потенцирано дека следи период на реформи во државата, економско зајакнување, како и борба против корупцијата и криминалот за да може државата да се развива и просперира.
Истото така тој додаде дека државата ќе продолжи по европскиот пат за кои идната влада предводена од ВМРО-ДПМНЕ силно ќе се залага, информираат од ВМРО-ДПМНЕ.
Во соопштението се додава дека на средбата била констатирана успешната соработка помеѓу ВМРО-ДПМНЕ и Мисијата на ОБСЕ и истата ќе продолжи.