Тренерот на Болоња и Синиша Михајловиќ (52) и фудбалерот на Милан Златан Ибрахимовиќ (40) синоќа настапија заедно на Санремо и ја отпеале песната „Вагабундо“, хит на фестивалот во 1970 година.
Io Vagabondo ( I Nomadi ) @SanremoRai @Ibra_official @Fiorello Siniša Mihajlović Amadeus pic.twitter.com/FWi5994ep3
— Gegett🇮🇹#gallinaro (@GerardApruzzese) March 4, 2021
Пред изведбата биле откриени детали, кои до сега не биле целосно познати во јавноста.
„Нашето пријателство започна со удар со глава“, се насмевнал Михајловиќ, потсетувајќи на конфликтот меѓу нив двајца на мечот помеѓу Јувентус и Интер, кога Швеѓанецот бил исклучен.
„Работата со Златан е дека не можете да му се заканувате, мора да го испровоцирате, па така ќе го извадите од такт. Тој беше толку лут што ме удри со глава и доби исклучување. Кога дојде во Интер, сакав да ја возвратам услугата. Така покажуваме наклонетост“, рекол Михајловиќ.
IL grande "Siniza"…#Sanremo2021 #Ibrahimovic #sinisamihajlovic pic.twitter.com/6YgIoNhetT
— branamilunov (@branamilunov) March 4, 2021
Одличниот српски стратег го задевал Ибрахимовиќ поради фактот што го нема најважниот трофеј во клупскиот фудбал.
„Тој е љубоморен што ја нема Лигата на шампионите. Играше, а јас победив“, вели Михајловиќ, по што веднаш следел коментар од шведскиот напаѓач: „Има уште време“.
Ибрахимовиќ се појавил кратко на отворањето на фестивалот во вторникот вечерта. Тој излегол на сцената на Сан Ремо со песната „Јутро је“ од Нада Топчагиќ.
Buona la prima del mio festival di Zanremo… pic.twitter.com/YXjCPV4459
— Zlatan Ibrahimović (@Ibra_official) March 3, 2021
Според договорот, Златан најверојатно ќе добие по 50.000 евра за секоја вечер на Сан Ремо и решил сите собрани средства да ги донира во хуманитарни цели.