Милановиќ: Имиграцијата и доаѓањето на странци се најголемиот предизвик за Хрватска

Имиграцијата и доаѓањето на странци се најголемиот предизвик за Хрватска, рече претседателот на Републиката Зоран Милановиќ и посочи дека овој процес треба постојано да се следи со цел кога некој ќе дојде, тој, како што рече, да се вклопи културно, да го научи јазикот и да ја прифати локалната култура.

„Имиграцијата и доаѓањето на странци е реалност и најголемиот предизвик со кој се соочува Хрватска, никогаш не се соочила со поголем предизвик“, изјави Милановиќ синоќа во Јелса.

Тој оцени и дека „војните, Русија, Украина, злосторствата во Газа, всушност, воените злосторства се нешто на што гледаме, но, како што наведе, „ќе излеземе од нив ако бидеме доволно паметни и се грижиме за нашата работа. “.