МИЛИЈАДЕРКА ОСУДЕНА НА СМРТ Најспектакуларното судење во историјата на Виетнам – група ограбила една од најголемите банки во земјата

од Vladimir Zorba

Труонг Ми Лан (67), која има кинеско потекло, е осудена за грабеж на една од најголемите виетнамски банки, Комерцијалната банка Сајгон, во износ од 44 милијарди долари во период од 11 години, а таа ги негираше обвиненијата, пренесе Би-би-си.

Обвинителите велат дека 27 милијарди долари можеби никогаш нема да бидат вратени. Тие повикаа 2.700 лица да сведочат за време на судскиот процес, во кој учествуваа 10 државни обвинители и околу 200 адвокати.

Доказите биле содржани во 104 кутии со вкупна тежина од шест тони.

Покрај Труонг Ми Лан, на уште 85 лица им се суди, а 13 други се соочуваат со можна смртна казна.

Таа, исто така, беше осудена за поткуп за да се осигура дека нејзините заеми никогаш не биле проверени, а еден од обвинетите е поранешен главен инспектор во централната банка, кој се соочува со можна доживотна затворска казна за примање поткуп од пет милиони долари.

Ми Лан, која беше претседател на компанијата за недвижнини ВТП, беше уапсена во октомври 2022 година.

Слични содржини