Милошоски ќе ги повика Ковачевски и МНР да реферираат пред собраниската Комисија

од Берта Китинска
208 прегледи

Пратеникот од ВМРО-ДПМНЕ, Антонио Милошоски најави дека ќе го повика премиерот Димитар Ковачевски и претставник на МНР да реферираат на седница на Комисијата за разговорите со Софија и документот кој е на маса.

-По однос на македонско-бугарските прашања коишто официјална Софија ги претставува како пречка во односите на Македонија со ЕУ и почетокот на преговорите. како претседател на Комисијата за надворешна политика ќе го повикам премиерот и претставник од МНР како што реферираа во 2017 во јули така и сега да закажеме една седница на Комисијата да ни дадат образложение и писмени документи што во моментот се разговара со Софија и која е намерата, кои писмени гаранции се бараат или се добиени од страна на Брисел за отпочнување на преговорите без да има дополнително мешање во уставните работи на Македонија како држава, рече Милошоски на новинарско прашање во Собранието.

Според него, постапката се води нетранспарентно, објанувајќи дека Владата има намера да го заобиколи Собранието.

–Овој текст да биде доставен до Брисел каде што бугарските условувања би станале дел од европската рамка без за тоа пратениците коишто се избрани од народот да имаат можност да дадат забелешки или да го подобрат истиот. Сметам дека таквиот начин не е демократски и затоа ќе ги повикаме и премиерот и Министерството за надворешни работи да дојдат во Собранието и да дадат отчет за тоа што го разговараат во моментот и дали истото е на линија на уставните одредници во Македонија, рече Милошоски.

Слични содржини