Един Рамиќ, министерот задолжен за бегалци и раселени лица во Владата на Федерацијата на Босна и Херцеговина (БиХ) ѝ забранил на синдикалната организација во министерството, да ја организира новогодишната прослава на децата со Дедо Мраз, бидејќи смета дека ги навредува верските чувства на некои негови вработени.
Рамиќ, кој беше назначен за министер како член на Бошњачката партија за демократска акција (СДА), одговори негативно на барањето на синдикатот министерството да организира забава за децата со делење пакетчиња со подароци.
Како одговор на барањето, Рамиќ побарал синдикатот, пред да организира делење на новогодишни пакетчиња за децата, да ги испраша вработените во министерството и да се изјасни дали тоа ги навредува нивните верски чувства, пренесува Index.hr.
„Имајќи го предвид принципот на недискриминација и почитување на правата и слободите на сите вработени во министерството, неопходно е да се спроведе анкета меѓу вашите членови за прифатливоста на овој вид забава во просториите на министерството, со оглед на дека некои од објавените содржини може да ги навредат верските чувства на поединечни вработени и/или нивните деца“, напишал Рамиќ во писмото, чиј примерок беше објавен од локалните медиуми.
Во четвртокот самиот Рамиќ се обиде да ја оправда својата контроверзна одлука, тврдејќи дека го предизвикал Дедо Мраз затоа што претходно добил поплаки од некои функционери во министерството. Тој тврди дека се работи за лица кои претходно побарале да се одвои просторија во министерството за извршување на исламска молитва, а тоа не му било одобрено.
Фото: JOSE LUIS PELAEZ / GETTY IMAGES