Министрите за надворешни работи на Г7: Помош за Западен Балкан за намалување на зависноста од руската енергија

од Vladimir Zorba

Министрите за надворешни работи на Г7 денеска истакнаа дека мора да продолжат да му помагаат на Западен Балкан да ја намали својата зависност од руската енергија и ги повикаа земјите во регионот целосно да ја усогласат својата надворешна политика со ЕУ, вклучително и санкциите кон Русија и нивното спроведување.

Белград и Приштина се повикани да се вклучат конструктивно во дијалогот со посредство на ЕУ, да ги спроведат целосно сите претходни договори без одлагање и да ги нормализираат односите преку сеопфатен и правно обврзувачки договор, кој ќе ги овозможи европските перспективи, ќе придонесе за регионалната стабилност и ќе има корист за сите луѓе во регионот, според заклучоците на министрите за надворешни работи на Г7, објавени на веб-страницата на германското Министерство за надворешни работи.

Министрите за надворешни работи на Г7 ја потврдија својата посветеност на европската перспектива на Западен Балкан за обезбедување на безбедноста, стабилноста и просперитетот на регионот.

Слични содржини