Американците не сакаат мировни преговори во врска со ситуацијата во Украина, тие се плашат само од нуклеарен конфликт, изјавил белорускиот претседател Александар Лукашенко.
„Треба да преговараме. Но, треба да преговараме разумно и да зборуваме за мир. Украина, како и Полјаците и Американците зад неа, треба да бидат изложени и претставени на светот во вистинско светло. Тие не сакаат никакви мировни преговори. Америка, која владее со Полска, се плаши само од едно – нуклеарен конфликт, нуклеарно оружје. Зошто? Затоа што тогаш ситуацијата веќе ќе се вжешти. Тоа е нивниот пристап“, изјавил белорускиот лидер за новинарите, пренесе Спутник.
Во исто време, Лукашенко ги негираше гласините за намерите на Минск да ја воведе својата армија на територијата на Украина.
„Ние нема да воведеме жива сила таму, бидејќи нема потреба од тоа. Нашите вооружени сили, а веднаш би можеле да активираме 35-40.000 луѓе, нема да го решат проблемот“, рече белорускиот лидер.
Претходно Лукашенко изјави дека раководството на Украина треба да престане и да преземе чекори за прекин на конфликтот доколку не сака смрт на огромен број луѓе и уништување на земјата.