Мишел слета во Охрид во пресрет на Преспа форумот за дијалог

Вицепремиерот за европски прашања, Бојан Маричиќ му посака добредојде на претседателот на Европскиот совет Шарл Мишел на аеродромот во Охрид.

-Исклучително важна посета во важен момент за нашата земја и за целиот регион. Ќе имаме одлична можност со г-динот Мишел да го повториме ставот за нашата стратешка определба и партнерство со ЕУ и да поразговараме за идните планови за натамошен развој на Западен Балкан и ЕУ, во пресрет на јунскиот Самит на француското претседателство, објави Маричиќ.

Мишел ќе учествува на Преспа форумот за дијалог, кој во наредните два дена ќе се одржи токму во Охрид.