Поранешниот претседател на Сојузот на синдикатите на Македонија, Живко Митревски оценува дека моделите на минимална плата не се единствени. Според него, сегашниот предлог-модел на ССМ за покачување на минималната плата не е соодветен и издржан.
-Предизвикува неможност на работниците да имаат повисока минимална плата заради лошо утврдените коефициенти како методологија во утврдување на минимална плата, рече Митревски на денешната свикана прес-конференција од негова страна на прашање на „Локално“.
Тој додаде дека предлогот за 500 евра минимална плата ќе биде издржан кога сите социјални партнери ќе најдат решение.
-Зошто да биде 550 евра? Зошто да не биде 650 или 700, меѓутоа со методологија која ќе ја утврдиме заеднички со работодавачите. Можете да утврдите и 1000 евра (минимална плата) ама ако работодавачите не можат да ја исплатат таа плата, тогаш ќе ги отпуштите работниците? ССМ направи катастрофа и господинот (Слободан) Трендафилов. Не сите во Сојузот бидејќи има таму претседатели кои се спротивставуваат на овој модел, но не беше прифатено нивното решение, додаде поранешниот прв синдикалец во државата.
Митревски е дециден дека претседателот на ССМ „Трендафилов се однесува катастрофално“ и е „нелигитимен“.
-Работникот губи. Затоа беше мојата порака дека Трендафилов разгорува војна меѓу синдикатите, КСС, КСОМ и ССМ. Сам единствен човек не може да води војна заедно со другите ако не биде придружуван од другите. Тој е должен да прави разговори, води преговори и заеднички да делува со останатите синдикати кои се дел во Светската и Европската федерација…, рече човекот кој не се откажува од функцијата „старо-нов“ прв човек на ССМ.
Д.Ѓ.