Овој договор кој го прави и ако го направи СДСМ кој ќе биде асиметричен, анационален и кој директно ќе задира во идентитетот на мојот народ и на Македонија, немам намера во иднина, кога ВМРО-ДПМНЕ ќе ја направи Владата, да го почитувам, вели Претседателот на ВМРО-ДПМНЕ, Христијан Мицкоски во денешното гостување во емисијата „Стадион“ на Канал 77.
„Прво е билатерален Договор и никогаш нема да се помирам со фактот тој договор да влезе во преговарачката рамка затоа што тоа е дополнителна алатка на Бугарија да не ветоизира кога сака и како сака“, кажа Мицкоски.
Мицкоски посочи дека имало тврдењата дека нема отворени прашања меѓу Бугарија и Македонија и запраша како можело 2008-та година кога требало Бугарија да влезе во Европската Унија да има изјава дека немаат отворени прашања со соседите?
„Како можеше кога Македонија влегуваше во НАТО, Владата на Борисов да каже дека нема отворени прашања со Бугарја? Како можеше кога Макрон стави вето поради методологијата, Бугарија никаде да ја нема и да кажува дека има отворени прашања?“, истакнува тој.
Мицкоски потенцираше дека МНР на Бугарија, Генчовска кажала дека секоја недела се обраќа во Парламентот во Бугарија и ги информирала пратениците за преговорите.
„Ние и кажавме дека со сила ги молиме претениците да доаѓаат, тие не доаѓаат“, истакна лидерот на опозицијата.
„Ако влезе во таа преговарачка рамка овој билатерален Договор односно меѓусоседскиот договор, тогаш некој кој ќе биде на местото на Генчовска, на местото на Петков кога ќе му потреба може секогаш да каже дека оваа комисија за историски факти односно комисијата за историја не е ефикасна и вие го кочите договорот и ќе ве блокираме“, рече Мицкоски.