Мицкоски: Граѓаните најдобро знаат дека волкот влакното го менува, но карактерот не

„Граѓани вие најдобро знаете дека волкот влакното го менува, но карактерот не. Доста е од овие политичари, нам ни треба нова иднина. Овие избори се шанса за промени, шанса за подобро утре. Многумина деновиве ми го поставуваат прашањето што е за тебе Христијан победа“, изјави лидерот на ВМРО-ДПМНЕ, Христијан Мицкоски на митингот на партијата во Куманово.

Според него, „победа е кога ќе спасиме 14 човечки животи, победа е кога грешиме, ќе се извиниме, ќе се корегираме, и ќе продолжиме понатаму“.

„Победа е да се почитуваме и тогаш кога сме различни, победа е да создадеме вредности, принципи, да има одговорност кога треба“, нагласи Мицкоски.

Тој додаде дека победа исто така е кога треба да се создава, да се работи, и да се оди напред.