Мицкоски: Рашковски беше однесен во суд со рацете во џеб

од Nikola Popovski

„Ако си соработник на Зоран Заев, за сомневање за сторен криминал завршуваш со одземен пасош или во куќен притвор, а во суд одиш со рацете во џеб“, вака лидерот на ВМРО-ДПМНЕ, Христијан Мицкоски го коментираше денешното приведување на поранешниот генерален секретар во Владата, Драги Рашковски.

Според Мицкоски, „во спротивно добиваш 30 дена затворски притвор и во суд те носат со лисици на рацете“.

Драги Рашковски денеска претпладне е донесен пред судија на претходна постапка во Кривичниот суд во Скопје. Тој беше приведен откако Основното јавно обвинителство за гонење организиран криминал и корупција донесе наредба за истрага во случајот со набавката на софтверот за сообраќајни прекршоци што не го користи ниедна институција. Приведен е и сопственикот и управител на фирмата што ја доби спорната набавка – „Инвока гроуп“, Даниел Станчев.

Слични содржини