220
Меѓународниот монетарен фонд соопшти дека Извршниот одбор на ММФ го одобрил двегодишниот аранжман за Северна Македонија според Линијата за претпазливост и ликвидност (ПЛЛ) во износ од околу 530 милиони евра.
„ПЛЛ Аранжманот ќе ги поддржи политиките на властите за справување со економските последици од два последователни глобални шокови; пандемијата Ковид-19 и руската инвазија на Украина“, се вели во соопштението на ММФ.
Северна Македонија, според ММФ, се квалификува за ПЛЛ врз основа на нејзините здрави економски основи, силни институционални политички рамки, досие за добри економски перформанси и имплементација на политиките и посветеност да се одржуваат таквите политики во иднина.