Пријатели и роднини на Мартин Јовановски (31) од Македонија се организираат да одат на Халкидики и да помогнат во потрагата по исчезнатиот млад човек.
Тие вчера одржаа состанок на плоштадот во Скопје со цел оние кои можат финансиски или логистички да помогнат во пронаоѓањето на Мартин.
На средбата е одлучено шест лица денеска да заминат на Халкидики, пренесуваат грчките медиуми.
Како што истакнуваат за Voria.gr луѓе од семејството на Мартин, има многу кои пројавиле интерес да и помогнат на истрагата со своето физичко присуство.
Конкретно, како што наведуваат, на Халкидики се очекува пристигнување на луѓе со дронови, двогледи и друга опрема за лоцирање на исчезнатиot, додека организаторите бараат луѓе кои го познаваат грчкиот јазик за да имаат најдобра можна комуникација со локалните волонтери.
Братот на исчезнатиот Мартин денеска од САД треба да пристигне во Грција, а пријателот на младиот човек, Иван, кој беше пронајден во неделата по 20 часот во вода, отворил банкарска сметка и ги повикал сите што можат финансиски да помогнат во истрагата.
Потрагата по Мартин трае од саботата, откако тој и двајца пријатели исчезнаа во морето кај Халкидики.
Васил беше пронајден по неколку часа, а Иван следниот ден. Сè уште нема успех во пронаоѓањето на Мартин, иако семејството и пријателите не се откажуваат од надежта.