Сопругата на Алек Болдвин, Хиларија, реши да зборува по инцидентот на сетот во кој беше убиена директорката на фотографија – Халина Хачинс.
Хачинс работеше како директорка на фотографија на сетот на претстојниот вестерн филм „Rust“, кога случајно беше убиена на сетот минатиот четврток, откако актерот пукал од реквизит. Подоцна се испоставило дека пиштолот имал вистински куршум во него.
За жал, и покрај тоа што 42-годишната е префрлена во болница откако се повредила за време на снимањето, медицинскиот персонал можел само да констатира смрт.
Објавувајќи изјава на Инстаграм во понеделникот, Хиларија напиша: „Моето срце е со Халина. Нејзиниот сопруг. Нејзиниот син. Нивното семејство и најблиските. И со мојот Алек. Без зборови бидејќи е невозможно да се изрази шок и болка во срцето поради на таква трагична несреќа“.
За Болдвин (63) се вели дека добил „ладен пиштол“ – пиштол што не содржел боева муниција – пред да ја репетира својата сцена, во која го вперил оружјето кон камерата.