Дејвид Мојс се врати на чело на Евертон. Стручњакот повторно ќе биде на кормилото на „карамелите“ на местото на Шон Дајч, кој вчера доби отказ. Договорот на 61-годишниот Шкотланѓанец е до летото 2027 година.
Мојс веќе беше на чело на „карамелите“ од 2002 до 2013 година. Под негово водство, тимот стигна до финалето на ФА Купот во сезоната 2008/09.
Шкотланѓанецот раководеше и со други тимови во Премиер лигата, вклучувајќи ги Манчестер Јунајтед, Сандерленд и Вест Хем, а „чеканите“ беа последниот тим со кој раководеше специјалистот.
Everton Football Club is delighted to welcome back David Moyes as their new Manager, effective immediately. ✍️
— Everton (@Everton) January 11, 2025
Првиот натпревар во второто деби на Мојс на кормилото на Евертон е против Астон Вила во среда.
Евертон уште еднаш, како и во последните неколку сезони, не успева да покаже постабилно лице и моментално е на 17. место во поредокот и само еден бод зад првиот тим во опасната зона, а тоа е Ипсвич.
Своето второ деби на кормилото на „карамелите“ Шкотот ќе го има во среда, на гостувањето кај Астон Вила.