Штитната жлезда е одговорна за регулацијата на метаболизмот. Според нејзината работа се одредува и со која брзина ќе се согорува храната, но и ја контролира хормоналната рамнотежа во целото тело.
Иако постојат три нарушувања кои се последица од неправилната работа на штитната жлезда и секое се манифестира на различен начин, постојат 10 симптоми на кои треба да обрнете внимание, а кои се заеднички за нив:
Постојан замор
Ако чувствувате константен замор, дури и кога сте спиеле 8-10 часа, одете на лекар и побарајте хормонална анализа.
Нагли варијации во телесната тежина
Ако нагло се здебеливте, а не променивте ништо во исхраната, тоа може да е знак на хипотиреоза. Обратното пак, е знак на хипертиреоза.
Променливо расположение
Ако без логично објаснување ви се случуваат епизоди на анксиозност и меланхолија, па дури и депресивност, тоа може да е знак дека вашата штитна жлезда не работи како што треба.
Болки
Изненадните болки во мускулите, зглобовите, тетивите, каде и да е на телото, може да се знак на хормонален дисбаланс.
Репродуктивни проблеми
Хормоналната нерамнотежа може да предизвика и проблеми со зачнување, нарушување на менструациите, како и намалување на сексуалната желба.
Постојано ви студи
Ако цело време ви се ладни дланките и стапалата, тоа може да биде еден од знаците дека работата на штитната жлезда е нарушена.
Проблеми со косата, кожата и ноктите
Ако косата ви е премногу сува или премногу ви се мрси, ноктите се кршливи, кожата е нетипично сува и подложна на оштетување, ова се вообичаени појави при хормонален дисбаланс.
Опстипација
Поради побавниот метаболизам, може да се случи и лоша работа на цревата.
Когнитивни проблеми
Лошото памтење, неможноста да се сконцентрирате и слични проблеми укажуваат на лоша работа на штитната жлезда.
Проблеми со грлото, зарипнатост
Нарушената работа на штитната жлезда предизвикува болки во грлото, зарипнатост, зачестено ‘рчење, отежнато дишење при спиење…
Доколку препознавте некој од овие симптоми, морате да се јавите кај лекарот, за да добиете упатства за адекватно лечење на проблемот.