Морати се предаде: Интер не може да го задржи Лаутаро

Поранешниот претседател на Интер, Масимо Морати се навикнува на идејата дека ѕвездата на тимот Лаутаро Мартинез ќе се пресели во Барселона.

„Нероазурите“ се повлекуваат во преговорите со шпанскиот шампион и се категорични дека напаѓачот чини 111 милиони евра. Ова е точно сумата напишана во неговата клаузула за откуп.

– Не постои начин да се задржи некој што има идеја да биде некаде на друго место. Ова ќе го остави во позиција да биде неподготвен, а неговите мисли ќе бидат на друго место, рече Морати за „Спортмедијасет“.

Поранешниот шеф на Интер ги разбрануваше духовите пред скоро два месеци, кога рече дека може да замисли трансфер во спротивна насока, и не на било кој, туку на суперѕвездата на Барса, Лионел Меси.

Покрај Барса, Лаутаро Мартинез е поврзан и со Реал Мадрид, ПСЖ, Манчестер Сити и Манчестер Јунајтед. Сепак, се верува дека самиот фудбалер сака да ги засили „блаугранас“ поради неговиот сонародник Меси.