Моравјецки: Полска повеќе не ја вооружува Украина

Полскиот премиер Матеуш Моравјецки најави дека земјата повеќе не испраќа оружје во Украина, откако односите меѓу двете земји се влошија поради продолжувањето на полската забрана за увоз на украинско жито.

Моравјецки за ТВ Полсат изјави дека Полска помага да се победи „рускиот варварин“, но дека не може да се согласи да го дестабилизира сопствениот пазар со увоз на украинско жито.

„Се разбира, ќе го задржиме транзитот на украинската стока. Полска не сноси никакви трошоци поради тоа. Напротив, може да се каже дека заработуваме од тоа“, рече тој, пренесе агенцијата ПАП.