Морничави сцени во Франција: Ракометар на ПСЖ избоден со нож

Страшни вести доаѓаат од Франција. Елохим Пранди, ракометарот на Париз Сен Жермен е ранет со нож по новогодишната ноќ во главниот фрацуски град.

Информацијата ја потврдија од клубот, а францускиот ракометар моментално е во болница под надзор на лекар.

-Пранди беше жртва на насилен напад во Париз и доби неколку убодни рани, соопшти клубот.

Французинот моментално е во стабилна состојба, а полицијата итно започнала истрага.

Пранди е и репрезентативец и се наоѓа на списокот на Франција за ЕП, која е заедно во група со Србија, Хрватска и Украина.