Русија е подготвена да ги разгледа прашањата за обезбедување на попуст од цената на гасот за Грција и доделување на нови кредити. Тоа го изјави извор од руската влада, цитиран од весникот “Комерсант”. Според него, сепак Москва била заинтересирана за против обвинителните движења и санкции, и особено да добие одредени средства во Грција.
Грчкиот премиер Алексис Ципрас ја почнува официјална посета на Москва. Пред неа тој даде интервју за агенција ТАСС, во кое вели дека “Грција не се согласува со санкциите против Русија, тоа е пат на никаде”. Ципрас ќе има средби со претседателот Владимир Путин, премиерот Дмитриј Медведев, шефот на Државната дума Сергеј Наришкин и патријархот Кирил.
Непосредно пред посетата на Ципрас Европската комисија ја повика Грција да зборува со Русија со заеднички глас на останатите земји од ЕУ, особено во однос на санкциите.
“Еврокомисијата инсистира земјите од ЕУ да имаат единствен став и земјите од ЕУ да зборуваат на еден глас со своите надворешно трговски партнери, вклучително и со Русија”, изјави портпаролот на ЕК Даниел Розарио.