Поранешниот премиер Никола Груевски, односно неговите адвокати, во средата до Врховниот суд поднеле Барање за вонредно преиспитување на пресудата за случајот „Тенк“, а воедно поднале и барање за одложување на издржување на затворската казна, пишува Фокус.
-Веднаш штом ја добивме пресудата поднесовме барање до Врховниот суд, а барање за одложување ќе поднесеме и до судијата за извршување на санкциите, ни изјави адвокатката Сања Алексиќ.
Груевски денеска го доби и упатниот акт според кој на 8 ноември треба самиот да се пријави во истражниот затвор „Скопје“.
Сепак можно е воопшто и да не стапне зад решетки, односно доколку Врховниот суд одлучи да му го одложи издржувањето на казната затвор, додека да донесат одлука по вонредното преиспитување на пресудата.