Макс Еберлe, кој од 1 март ќе ја преземе функцијата спортски директор на Баерн (Минхен), денеска соопшти дека се уште не ја отпишал сезоната во Бундеслигата и верува во шансите на тимот да се бори за уште една шампионска титула. Според него, и покрај тоа што заостануваат 8 бода зад лидерот Баер (Леверкузен), шансите се сосема реални.
Еберлe, кој 15 години беше дел од Баерн (Минхен) како младинец и професионалец до 1994 година, do неодамна беше во Борусија (Менхенгладбах). Тој помина 14 години со тимот како директор за фудбалски операции пред да се пресели во РБ Лајпциг во 2022 година. „Биковите“ го отпуштија во септември, веднаш откако медиумите се шпекулираа дека може да замине во Баерн.
„За мене е голема радост што се враќам во овој клуб по 30 години, радоста што се враќам дома. Целта во следните три месеци е да се извлече максимумот од сезоната. Невообичаено е да се биде во група за бркање и да се заостанува 8 бода од првата позиција. Заостануваме и во Лигата на шампионите, но не е невозможно да направиме пресврт. Кој знае – можеби ќе станеме и шампиони“, изјави Еберле, кој ќе биде и член на Одборот одговорен за спорт, за време на презентација пред медиумите.
Баварците решија да се разделат со тренерот Томас Тухел по завршувањето на сезоната, откако стручњакот не успеа да го донесе потребното подобрување и посакуваниот ефект по смената на Јулијан Нагелсман во есента 2023 година. Тие исто така заостануваат со 0-1 од Лацио во Лигата на шампионите, а реваншот е во март. „Ќе биде тешко и многу голем предизвик, но засега не сакам да ја отпишам сезоната. Има уште доволно бодови за освојување, а важно е да не им даваме лесни победи на противниците“, продолжи новиот директор на клубот.
Баерн ја прекина серијата од три порази во сите натпреварувања кон крајот на минатата недела кога го победи РБ Лајпциг со 2-1.
„Ја видов реакцијата на момците на овој натпревар и имам добро чувство за работите. Јас и луѓето во тимот можеме да се справиме со тоа, јас сум целосно уверен“, изјави Еберле и додаде дека официјално ќе влезе во канцеларијата во крајот на оваа недела и да започне потрагата по наследник на Тухел за следната кампања.
„Во моментов има многу шпекулации за тоа кој ќе биде тренер на тимот за следната сезона. Но, прво треба да анализираме, мирно да размислиме и да ја избереме вистинската личност. А потоа да ги најдеме вистинските играчи”, заклучи новиот шеф на германскиот фудбалски колос.