Купувачите на уредите на компанијата Sony од семејството Xperia, на кои токму тие уреди им се расипале откако паднале во вода, може да добијат отштета. Федералниот суд во Њу Јорк, ја одобри тужбата против Sony порди тврдењето дека мобилните телефони и таблетите на оваа копманија се отпорни на вода.
Во тужбата се наведува дека Sony ги измамил купувачите со рекламите во кои се тврди дека апаратите се водоотпорни, додека тие всушност не се дизајнирани за користење под вода, туку се водоотпорни на ниво во смисла на заштита. Во тужбата се бара и да се продолжи гаранцијата за дополнителни 12 месеци или да се вратат 50 отсто од парите дадени при купување.
Sony на 1 декември мора да се спогоди со судот и да ги договори конечните услови,така што износот може да се менува.
Тужбата се однесува само на купувачите во САД.
Се работи за следните модели: Xperia M2 Aqua, Xperia M4 Aqua, Xperia ZR, Xperia Z Ultra, Xperia Z1, Z1s, Z1 Compact, Xperia Z2, Xperia Z3, Z3 Compact, Z3v, Z3+, Z3+ Dual, Xperia Z5, Xperia Z5 Compact, Xperia Z2 Tablet, Xperia Z3 Tablet Compact i Xperia Z4 Tablet.