Министерот за надворешни работи, Тимчо Муцунски му честиташе на Косово за формирањето на новата влада и назначувањето на Глаук Коњуфца за прв вицепремиер и министер за надворешни работи.
Муцунски во објава на „Х“ соопшти дека работат на тесна соработка во интерес на регионалната стабилност.
„Им упатувам искрени честитки на Република Косово за формирањето на новата влада и на Глаук Коњуфца за неговото назначување за прв вицепремиер и министер за надворешни работи. Како соседи, со нетрпение очекуваме тесна соработка во интерес на регионалната стабилност, добрососедските односи и нашите заеднички европски аспирации“, порача Муцунски.
I extend my sincere congratulations to the Republic of Kosovo on the formation of its new government, and to @KonjufcaGlauk on his appointment as First Deputy Prime Minister and Minister of Foreign Affairs.
As neighbours, we look forward to working closely together in the…
— Timco Mucunski (@TimcoMucunski) February 11, 2026
Новиот парламент на Косово брзо ја одобри новата влада предводена од премиерот Албин Курти, со што се стави крај на едногодишната политичка блокада во земјата. Пратениците го поддржаа кабинетот на Курти со 66 гласови „за“ и 49 „против“ во собранието од 120 члена. Гласањето се одржа само неколку часа откако Парламентот се состана за прв пат по предвремените избори во декември.